Павлодарда бүлдіршін 5-қабаттан құлап кетті
Ол ауруханаға шұғыл жеткізілді
Фото: Halyq Uni
Павлодар қаласында 4 жасар қыз бесінші қабаттан құлап кетті, деп хабарлады облыстық денсаулық сақтау департаменті.
Оқыс оқиға 9 мамырда сағат 14:10-да болған. 2020 жылы туған қыз 5-қабатта орналасқан пәтердің терезесінен құлап кеткен.
Бала жедел жәрдем көлігімен ауруханаға жеткізіліп, травматология бөлімшесіне жатқызылды. Қыздың миы шайқалып, жабық ми жарақатын алған, - деп жазылған хабарламада.
Дәрігерлердің айтуынша, бүгінде бүлдіршіннің жағдайы орташа ауыр.
Бұған дейін жарты сағатта 2 баланың терезеден құлап кеткені хабарланған еді.
