Көрінеу жалған хабарлау фактісі бойынша қылмыстық іс қозғалды
Атырау облысы ПД экстремизмге қарсы іс-қимыл басқармасының қызметкерлері ҰҚКД АТО бөлімімен бірлесіп, облыс мектептерінің бірінің 9-сынып оқушысын анықтады, деп хабарлады Halyq Uni тілшісі.
Жасөспірім анонимді Telegram-арна құрып, онда 21 сәуірде Индер ауданындағы мектептерде террористік акті жасалатыны туралы хабарлама жариялаған. Жазбамен бірге интернеттен жүктеп алған қарудың суретін салған. Қазір оның осындай басқа да Telegram-арналар құруға қатысының бар-жоғы тексеріліп жатыр.
Терроризм актісі туралы көрінеу жалған хабарлау фактісі бойынша қылмыстық іс қозғалды.
ІІМ терроризм актісі туралы жалған хабар үшін жауапкершілік барын еске салды.