Күдікті 2021 жылы халық тұтынатын тауарларды Қазақстаннан Ресейге тасымалдау қызметін ұсынған
Аса ірі алаяқтық жасады деген күдікті Чехиядан экстрадицияланды. Бұл туралы Бас прокуратура хабарлады.
Күдіктіні Бас прокуратура, ішкі істер министрлігі Қазақстанның сыртқы істер министрлігімен бірлесе экстрадициялады.
Ж. 2021 жылдың көктемінде жәбірленушіге халық тұтынатын тауарларды Қазақстаннан Ресейге тасымалдау қызметін ұсынып, оны алдап 19 миллион теңгенің тауарын иемденген. Оны басқа азаматтарға сатып, ақшасын жымқырды деген күдікке ілінген.
Қылмыс жасағаннан кейін күдікті жасырынған, соған байланысты оған халықаралық іздеу жарияланды.
2024 жылдың қаңтарында ол Чехияда ұсталды. Қазір күдікті уақытша ұстау изоляторына қамалды. Енді ол 5 жылдан 10 жылға дейін бас бостандығынан айырылуы мүмкін.