Еліміздің бас санитар дәрігері Айжан Есмағамбетова жазғы демалыс және демалыс маусымының басталуына байланысты шет елдерге шығатын қазақстандықтарды ескертті, деп хабарлайды Halyq Uni тілшісі.

Бұған дейін денсаулық сақтау министрлігі елімізде маймылдардың шешек ауруына күдікті бірде-бір жағдай тіркелмегенін мәлімдеген болатын. 

Дегенмен Дүниежүзілік денсаулық сақтау ұйымы 2022 жылғы 20 мамырда Конгода жыл басынан бері маймыл шешегінің 1,2 мың жағдайы тіркелгенін жеткізді. Бұл ауру бүгінде Батыс Африка елдерінде кең тараған (Конго Демократиялық Республикасы, Конго, Камерун, Орталық Африка Республикасы, Нигерия, Кот-д ' Ивуар, Либерия, Сьерра-Леоне, Габон, Оңтүстік Судан). Африкада жағдайлардың саны тез өсіп жатыр. Ресми ақпарат көздеріне сәйкес, 2016 жылдан бастап індет 20 есе өскен. Ең көбі Нигерия мен Конгода тіркелген. ДДҰ-ның алдын ала мәліметі бойынша, Африка құрлығынан тыс әлемнің 14 елінде (Испания, Португалия, Ұлыбритания, Бельгия, Канада, Германия, Италия, Австралия, Нидерланды, АҚШ, Израиль, Франция, Швейцария, Швеция) 110 жағдай тіркелген.

Осыған орай Қазақстанның бас санитар дәрігері жазғы демалыс және демалыс маусымының басталуына байланысты шет елдерге шығатындар үшін келесі кеңестер берді:

1. маймыл шешегі ауруының өршуі тіркелген Батыс Африка елдеріне (Конго Демократиялық Республикасы, Конго, Камерун, Орталық Африка Республикасы, Нигерия, Кот-д ' Ивуар, Либерия, Сьерра-Леоне, Габон, Оңтүстік Судан) барудан аулақ болыңыз (әсіресе балалармен);
2. шет елдерге шыққан жағдайда жабайы жануарлармен (приматтармен, кеміргіштермен) байланысты болдырмау, стихиялық әрі көше саудасы орындарында тамақ ішуден аулақ болу, тамаққа тек термикалық өңделген етті (азық-түлікті) мұқият пайдалану;
3. адамдар көп жиналатын орындарға барған кезде жеке профилактика (қашықтық, маскалар, антисептиктер) шараларын пайдаланыңыз, қол гигиенасын сақтаңыз.
4. егер сапардан оралғаннан кейін 3 апта ішінде мазасыздық, қызба, бөртпе (қызару, көпіршіктер, т.б.) сезінсеңіз – шетелде болғаныңыз туралы міндетті түрде хабарлап, жақын маңдағы медициналық ұйымға дереу жүгініңіз.