Маңғыстау облысында жұмысшылар отырған автобус аударылды
Олар вахтаға бара жатқан
Фото: inform.kz
Маңғыстау облысында жұмысшылар отырған автобус апатқа ұшырады, деп хабарлады облыстық полиция департаменті.
Жол-көлік оқиғасы бүгін сағат 13:40-та Ақтау-Қаражанбас жолының 144-шақырымында болған.
Облыстық ПД мәліметінше, автобуста вахтаға бара жатқан жұмысшылар болған.
Көлік апатынан ешкім зардап шекпеді. Жұмысшылар басқа автобусқа отырғызылды. Қазір полиция оқиғаның мән-жайын анықтап жатыр, - деп жазылған хабарламада.
