Халықаралық волонтерлер күні қарсаңында елорданың коммуникациялар қызметінде өткен брифингте Жастар саясаты мәселелері жөніндегі басқарма басшысының міндетін атқарушы Бағдат Атымтай қалалық волонтерлер штабының жұмыс барысы туралы айтып берді, деп хабарлады Halyq Uni тілшісі.

Оның айтуынша, «Астана жастары» Жастар ресурстық орталығының базасында қалалық волонтерлер штабы жұмыс істейді. Оның шеңберінде 40 белсенді волонтерлік және қайырымдылық ұйымдармен тығыз жұмыс істейді. Штабта 5 мыңнан астам белсенді ерікті бар.

Бүгінде елордада еріктілер ұйымдарымен бірлесіп, «BizBirgemiz», «Қауіпсіз қала», «Қамқорлық мекенжайлары», «Ардагерлерді ардақтайық», «Taza Alem» және т.б. аясында 780 акция өткізілді. 4 мың азық-түлік себеті, ыстық тамақ тасымалдау, киім мен жиһаз тарату, оқыту, адамдарды іздеу және т.б. түрінде көмек көрсетілді. Қала кәсіпорындарымен бірлесіп, қысқы кезеңде қар күреу жұмысы жүргізілді.

«Қамқорлық мекенжайлары» жобасы аясында еріктілер елорда аулаларында қар күреу бойынша 50 акция ұйымдастырды. Сондай-ақ олар қыстыгүні зейнеткерлерге барып, ауласын тазалауға көмектеседі. Жыл сайын акцияларға 1 мыңнан астам ерікті тартылады.

Жыл сайын «Астана жастары» ЖРО қала бойынша волонтерлік бағыттарды арттырады. Мысалы, биыл «Қауіпсіз қала» жобасы аясында волонтерлер халық санағы, газдандыру туралы халықты ақпараттандыру, жылыту маусымы мен көктемгі су тасқыны кезіндегі қауіпсіздік шаралары туралы тұрғындарға түсіндіру, шомылу маусымындағы мінез-құлық, тыйым салынған заттарды сату туралы жарнаманы бояу жұмыстарына тұрақты негізде тартылды. Еріктілер ауыл шаруашылығы өнімдерін сату бойынша қалалық жәрмеңкелерге, қаланың жасыл желектерін (ағаштарын) тіркеу жұмысына тартылды. Референдум кезінде және президенттікке кезектен тыс сайлау кезінде сайлау учаскелеріне көмек көрсетті. Осыған сүйене отырып, қалалық волонтерлер штабымен ынтымақтастыққа тек волонтерлік ұйымдар мен олардың қызметін алушылар ғана емес, сонымен қатар тіршілікті қамтамасыз ету мекемелері де жұмылдырылатынын байқауға болады, – деді Бағдат Атымтай.

«Taza Alem» жобасы аясында 40 эко-сенбілік өткізіліп, оның ішінде 4 мың еріктінің қатысуымен су қоймалары мен Есіл өзенінің жағалауын тазарту бойынша 5 іс-шара өткізілді.

Сонымен қатар, еріктілер қалалық және халықаралық іс-шараларға, форумдарға, концерттерге, спорттық іс-шараларға гидтер, аудармашылар, ұйымдастырушылар, үйлестірушілер, тим-көшбасшылар, допингке қарсы бақылауды жүргізетін топтардың имиджі, аниматорлар, адам ағындарын басқару, фото-бейне түсірілім, қауіпсіздікті қамтамасыз ету және т.б. ретінде белсенді қатысады.

Еріктілер халықаралық және республикалық деңгейдегі 140 іс-шараға қатысты.

Қалада тұрақты негізде 50 волонтерлік ұйым мен қозғалыс жұмыс істейді. Оның 17-сі мүмкіндігі шектеулі балалар мен жастарды тәрбиелеп отырған отбасыларға көмек көрсетті. Ата-аналар үшін тренингтер өткізілп, қажетті көмек өнімдерін, заттар мен тұрмыстық заттарды таратады, сондай-ақ балалар мен ата-аналарды іс-шараларға шақырады.

«Бұған қоса, елордада 50 және одан жоғары жастағы азаматтар үшін азаматтық белсенділіктің маңызды нысандарының бірі – күміс дәрежелі еріктілер. Астанада қоғамның дамуына белсенді қатысатын күміс еріктілер қозғалысы жұмыс істейді. Күміс еріктілер қатарында 60-тан астам адам бар», – деді спикер.