Жыл басынан бері қазақстандықтарға 2,4 трлн теңгеден аса зейнетақы төленді
Елімізде 2 млн-нан аса зейнеткер бар
Фото: gov.kz
Жыл басынан бері зейнеткерлерге республикалық бюджеттен 2 трлн 477,6 млрд теңге зейнетақы төленген, деп хабарлады Halyq Uni тілшісі.
Еңбек және халықты әлеуметтік қорғау министрлігінің мәліметінше, төленген қаржының ішінде базалық зейнетақы төлеуге 760,1 млрд теңге, ынтымақты зейнетақы төлеуге 1 трлн 717,5 млрд теңге қарастырылған.
Биылғы 1 қазандағы жағдай бойынша зейнеткерлер саны – 2 млн 312 мың адам.
Жиынтық зейнетақының орташа мөлшері 120 мың 988 теңге болды. Оның ішінде ынтымақты зейнетақы мөлшері – 83 мың 86 теңге, базалық зейнетақы – 37 мың 902 теңге.
