Ақмола облысында ауыл тұрғыны құрамында алтыны бар материалды заңсыз өңдеген
Сотқа дейінгі тергеп-тексерулер басталды
Фото: polisia.kz
Ақмола облысында құрамында алтыны бар материалды қайта өңдеп келген шағын цех жойылды, деп хабарлады Halyq Uni тілшісі.
Полиция қызметкерлерінің мәліметінше, заңсыз өндірісті ауылдың 50 жастағы тұрғыны жүргізген. Полиция қызметкерлері ұсақтау аппараты мен басқа да жабдықтарды ақмолалықтың тұрғылықты жерінен тапты.
Бұл фактіні құқық қорғау органдары ҚР ҚК-нің 295-1-бабы 1-бөлігі бойынша сотқа дейінгі тергеп-тексерулердің бірыңғай тізіліміне тіркеді. Тергеу шаралары жалғасып жатыр.
