Астана – Алматы авиарейсінің жолаушысы өзінде бомба бар екенін айтты, деп хабарлады Halyq Uni тілшісі.

Астана әуежайында Астана – Алматы рейсіне тіркелу кезінде жолаушы өзінде жарылғыш заттың бар екенін әзілдеп айтқан. Осы ақпаратқа сүйене отырып, елордалық әуежайдың авиациялық қауіпсіздік қызметі дабыл қақты.

Осылайша, АҚҚ құқық қорғау органдарымен бірлесіп, әуежай аумағын күдікті заттарға тексеруге мәжбүр болды. Орынсыз әзіл айтқан жолаушыға «Терроризм актісі туралы жалған хабарлама» ҚР ҚК-нің 273-бабы бойынша қылмыстық іс қозғалды.

Айта кету керек, мұндай шаралар әлемдік тәжірибеден алынған жағдайларға негізделген қауіпсіздік стандарты. Авиациялық қауіпсіздік басқармасы қазақстандықтарды өз мінез-құлқына жауапкершілікпен қарауға, сондай-ақ қол жүгі мен багаж бөлігінде тасымалдауға тыйым салынған заттардың тізімімен алдын ала танысуға шақырады.