«Кісі өлтіру» бойынша сотқа дейінгі тергеу басталды
Ақтөбе облысында жұмысқа кетіп, оралмаған 47 жастағы әйел өлі күйінде табылды, деп хабарлады Halyq Uni тілшісі.
Полиция қызметкерлерінің мәлметінше, бүгін жедел-тергеу іс-шаралары кезінде аталған жағдайға қатысы бар деген күдікпен 29 жастағы ер адам ұсталды. Оның автокөлігінен жоғалған әйелдің пышақ жарақаты бар мәйіті табылды.
Осы дерек бойынша ҚР ҚК 99-бабы «Кісі өлтіру» бойынша сотқа дейінгі тергеу басталды. Күдікті қамауға алынды.
Қылмыстың мән-жайы анықталып жатыр.