Екі науқас жасанды тыныс алу аппаратына қосылған
Қазақстанда бір тәулікте 91 адамнан коронавирус инфекциясы анықталды, деп хабарлады денсаулық сақтау министрлігі.
15 ақпандағы мәлімет бойынша, 1 545 адам коронавирус инфекциясынан емделіп жатыр.
Оның ішінде 123 пациент стационарда, 1 422 науқас амбулаториялық деңгейде ем қабылдап жатыр.
Коронавирус анықталғандардың арасында алты адамның жағдайы ауыр, 3 науқастың жағдайы өте ауыр деп бағаланған.
Екі науқас жасанды тыныс алу аппаратына қосылған.
Айта кетейік, бұған дейінгі тәулікте 49 адамнан коронавирус инфекциясы анықталды. 1 605 адам коронавирус инфекциясынан емделіп жатқаны хабарланды.