Көлік иесі көлікті айдап әкеткен адамды ұстауға әрекеттенген
Алматыда көлік ұрламақ болған күдікті дене жарақатымен ауруханаға түсті.
Алматы қалалық полиция департаментінің мәліметінше, ер адам қоңырау шалып, өзінің Daewoo автокөлігін әлдебіреудің ұрламақ болғанын хабарлаған. Сол сәтте ол кеңсе пышағымен қаруланған күдіктіні жаяу аңдып келе жатқан.
Бірнеше минуттан кейін патрульдік полиция қызметкерлері ер адамға көмекке келді. Жазадан жалтармақ болған күдікті өзіне жарақаттар салған, - делінген полиция ақпаратында.
Медициналық көмек алу үшін ол қаладағы ауруханалардың біріне жеткізілген.
Одан әрі іс жүргізу барысында күдіктінің бөтен адамның көлігін Ақсай шағын ауданында ұрлап кеткені анықталды. Сол жерде ол жол-көлік оқиғасын жасаған. Көлік иесі оқиға болған орнынға жаяу жүгіріп жетіп, көлікті айдап әкеткен адамды ұстауға әрекеттенген.
Аталған дерек бойынша қылмыстық іс тіркелді. Басқа да мән-жайлар анықталатын болады», - дейді Әуезов аудандық полиция басқармасының бастығы Ұлан Әбілқайыр.