Ол бұған дейін де екі рет сотталған
Қалалық полиция департаментінің мәліметінше, оқиға 25 қыркүйекте болған. Таңғы сағат 7-де полицияға Түркістан облысындағы ауруханалардың біріне атыс қаруынан жарақат алған 23 жастағы жігіт жеткізілгені туралы хабар түскен.
Полицейлер хабарламаны алған бойда күдіктінің жеке басын анықтауға кірісті. Жедел іздестіру шаралары барысында Шымкенттің 23 жастағы тұрғыны қала аумағында қолға түсті.
Анықталғандай, қыркүйектің 24-нен 25-не қараған түні күдікті қаладағы көпқабатты үйдің алдында екеуара болған ерегістің соңында белгісіз қарудан қарсыласына оқ атқан. Ішіне оқ тиген жәбірленуші ауруханаға түсті, - делінген хабарламада.
Жауап алу кезінде күдікті қаруды қайда жасырғанын көрсетті. Полиция аталған мекенжайдан бір «Макаров» тапаншасы мен 3 оқты тәркіледі. Заттай айғақтарға тиісті сараптамалар тағайындалды.
Ұсталған азамат бұған дейін де екі рет сотталған. Қазір оның үстінен Қылмыстық кодекстің 293-бабы 3-бөлігі («Бұзақылық») бойынша сотқа дейінгі тергеу жүріп жатыр.