Дзюдодан Қазақстан жасөспірімдер құрамасы топ жарды, деп хабарлайды Halyq Uni.

Olympic.kz мәліметінше, дзюдодан жасөспірімдер арасында Грекияда өткен Еуропа кубогінде Қазақстан құрамасы бірінші орынға ие болды.

Жарыста қазақстандық жасөспірімдер 2 алтын, 3 күміс пен 3 қола жүлдеге ие болып, жалпыкомандалық сайыста медаль кестесінде бірінші орынға көтерілді, – делінген ақпаратта.

Атап айтқанда, Гүлхан Шыңғысхан (-48 келі) және Расул Мұқым (-81 келі) алтыннан алқа тақса, Әсел Русланова (-48 келі), Даниял Сейілхан (-50 келі) мен Алтынбек Қонысбай (-60 келі) күмісті олжалады. Ал Нұрдос Досберген (-60 келі), Марғұлан Игілік (-60 келі) және Әділжан Жаудинов (+90 келі) үздік үштікті түйіндеді.

Еуропа чемпионатына 29 елден 300-ге жуық жас татами шебері қатысып, өзара мықтыны анықтады.