Жібек Құламбаева жұптық сында Португалиядағы турнир чемпионы атанды
Супер тай-брейкте Жібек Құламбаева мен Юлия Хатука жеңісті жұлып алды
Фото: Sputnik / Алексей Филиппов
Қазақстандық теннисші Жібек Құламбаева жұптық сында Лозада (Португалия) ITF W35 турнирінің чемпионы атанды. Бұл туралы Қазақстан теннис федерациясының баспасөз қызметі хабарлады.
Қазақстандық теннисші белорусь теннисшісі Юлия Хатукамен бірге соңғы бәсекеде ресейлік Полина Яценко – бельгиялық Ханне Вандевинкельмен кортқа шықты.
Бірінші партияда Құламбаева – Хатука 6:3 есебімен басым түссе, екіншісінде ресейлік-бельгиялық дуэт есе қайырды – 6:1.
Супер тай-брейкте Жібек Құламбаева мен Юлия Хатука жеңісті жұлып алды – 10:4.
