Қазақ қыздары қолаға қол жеткізді
Қазақстанның әйелдер хоккей командасы Қытайдың Бейжің қаласында өтіп жатқан Азия біріншілігінде қола медаль жеңіп алды, деп хабарлайды Halyq Uni.
Olympic.kz мәліметінше, соңғы ойында біздің хоккейшілер Оңтүстік Кореяға қарсы ойнады. Бұл кездесуге дейін екі құрама да Қытай мен Жапонияға есе жіберген еді.
Негізгі уақыт 4:4 есебімен аяқталды. Қосымша уақытта да жеңімпаз анықталмады. Нәтижесінде Қазақстан командасы буллиттер сериясында жеңіске жетіп, чемпионатты үшінші орынмен аяқтады, – делінген ақпаратта.
Айта кетейік, Қытай және Жапония құрамалары бірінші орынды сарапқа салады.