Қазақстандық жүзушілер Сингапурде өтіп жатқан әлем кубогінде екі ұлттық рекорд орнатты, деп хабарлайды Halyq Uni.

Olympic.kz мәліметінше, Сингапурде жүзуден әлем кубогінің бірінші кезеңі басталды. Еліміздің құрамасы екі ұлттық рекорд орнатты.

Аделаида Пчелинцева 100 метр қашықтықта брасс әдісімен жүзуде жаңа рекорд орнатты. Қорытынды көрсеткіші 01:07.74-ке тең болды. Ғалымжан Балабек 400 метр қашықтықта еркін стильде жүзуден Қазақстан рекордын 03:47.52 нәтижесімен жаңартты, – делінген ақпаратта.

Сондай-ақ, Егор Попов ӘКМ финалында 200 метр қашықтықта арқамен жүзуден бесінші нәтиже көрсетті.