Елордалық еркін күрес шебері Ризабек Айтмұхан 23 жасқа дейінгі спортшылар арасында әлем чемпионы атанды, деп хабарлайды Halyq Uni.

Тиранада өтіп жатқан 23 жасқа дейінгі әлем чемпионатында 97 келіде өнер көрсеткен жерлесіміз Ризабек финалда ирандық Махди Морафахты айқын жеңіспен тізе бүктірді, деп мәлімдеді жергілікті әкімдік.

Айтмұханның финалға дейінгі қарсыластары:

• 1/8 финал – Каллум Виллиам Нокс: 11:0;
• 1/4 финал – Владислав Козлов 10:0;
• 1/2 финал – Шамил Имам Гаджалиев 7:4;
• Финал – Махди Морафах 11:6.

Ризабек Айтмұхан 2023 жылы ересектер арасында әлем чемпионы атағына қол жеткізген болатын, сондай-ақ осы жылы 20 жасқа дейінгі спортшылар арасында әлемдік доданың үздігі атанған еді.