Батыс Қазақстан облысының Жаңақала ауданы Жаңақазан ауылында жаңа спорт кешені қолданысқа берілді, деп хабарлайды Halyq Uni.

Биылғы жылдың 27 қыркүйек күні Жаңақазан ауылында С.Абуов атындағы жаңа спорт кешені ашылды. Аталмыш спорт кешенінің ашылуына Батыс Қазақстан облысы әкімінің орынбасары Т.Е.Каюпов, БҚО дене шынықтыру және спорт басқармасы басшысының міндетін атқарушы М.Нұржанов, Жаңақала ауданының әкімі А.Көшкінбаев, мекеме басшылары мен ауыл тұрғындары қатысты.

«Жаңадан салынған спорт кешенінің құны 215 млн 376 мың теңгені құрайды. Жоба мердігері – «Ақтөбе Мұнай Логистик» ЖШС. Спорт кешенінің құрылысы маусымда басталып, бүгінде пайдалануға беріліп отыр», – делінген ақпаратта.

Жалпы аумағы 712.26 шаршы метрді құрайтын спорт кешенінде кіші футбол алаңы, волейбол, баскетбол орындары, үстел теннис залы, еркін күрес алаңы, шахмат ойнау бөлмесі бар.