Алина Құдайгенова бокстан жасөспірімдер арасындағы Азия чемпионы атанды, деп хабарлайды Halyq Uni.

Olympic.kz мәліметінше, бокстан Біріккен Араб Әмірліктерінің Әл-Айн қаласында өтіп жатқан жасөспірімдер арасындағы Азия чемпионатында кезекті жеңімпаздар мен жүлдегерлер анықталды.

2008-2009 жылғы жасөспірім қыздар арасында бір спортшымыз чемпион атанды. 63 келіде бақ сынаған Алина Құдайгенова Азия біріншілігінің алтын медалін жеңіп алды, – делінген ақпаратта.

Төрт боксшымыз финалда сүрініп, күміс медаль иеленсе, алты спортшымыз қола медальді қанағат тұтты. Аға бапкер – Айбек Әбілда.

Күміс жүлдегерлер:

• 48 келі. Айым Танкибаева;
• 60 келі. София Ващенко;
• 75 келі. Зарина Толыбай;
• +80 келі. Сабина Жақсылық.

Қола жүлдегерлер:

• 46 келі. Мадира Жұмахан;
• 52 келі. Жамиля Болатбекқызы;
• 57 келі. Айғаным Қадырхан;
• 66 келі. Айсұлу Мұхит;
• 70 келі. Камила Оспанова;
• 80 келі. Айдана Убайдұллақызы.