Отандық стенд атушылар Олимпиададан жүлдесіз оралған еді
Алматы облысындағы Александр Асанов атындағы ату клубында стенд атудан Азия Кубогі өтеді, деп хабарлайды Halyq Uni.
Olympic.kz мәліметінше, турнир 20-30 қыркүйек аралығына жоспарланған. Құрлықтық додаға Азияның 40 елінен 500-ден астам спортшы қатысады.
Жарыстың басты мақсаты – ату спортының танымалдығы мен спортшылардың спорттық шеберлігін арттыру, спортшылардың рейтингін анықтау, жаттықтырушылар және төрешілердің кәсіби біліктілігін жақсарту, – делінген ақпаратта.
Стенд атудан ел құрамасы Париж Олимпиадасында жүлдеге іліккен жоқ. Ойындарда Қазақстан намысын үш спортшы қорғаған болатын.