Қазақстан IV Дүниежүзілік көшпенділер ойындарында алғашқы алтынын жеңіп алды
Әлемдік дода Түркияның Изник қаласында өтіп жатыр
Марат Нығматуллаев, фото: @ulttyqatsport.kz
Түркияның Изник қаласында өтіп жатқан ІV Дүниежүзілік көшпенділер ойындарында қазақ күресінен 60 келі салмақта Марат Нығматуллаев алтын медалге ие болды, деп хабарлады Halyq Uni тілшісі.
Қазақ күресінің бәсекесіне әлемнің 20-ға жуық елінен 60-тан астам балуан келген, оның ішінде 19 бұрымды балуан бар.
Жеңімпаз Марат Нығматуллаев финалда моңғолдың балуанын 2 минутта «таза жеңіс» әдісіне түсірді.
Еске сала кетсек, бұған дейін Қазақстан келесі Әлемдік көшпенділер ойынын өз жерінде өткізуге өтінім бергені туралы хабарлаған едік
