×

ЖСДП президент сайлауына өз кандидатын ұсынды

Нұрлан Әуесбаев - осыдан 16 жыл бұрын құрылған партияның атынан түскен алғашқы кандидат

 Халық үні 01.10.2022 | 11:57
Нұрлан Әуесбаев, фото: osdp.kz

Биыл 20 қарашада Қазақстанда кезектен тыс президент сайлауы өтеді. Бұл сайлау ҚР Конституциясына және «Қазақстан Республикасындағы сайлау туралы» конституциялық заңға енгізілген соңғы өзгерістерге сәйкес өтеді.

Бүгін Жалпыұлттық социал-демократиялық партиясының кезектен тыс XIX съезі өтіп, ЖСДП президент сайлауына өз кандидатын ұсынды. Қазақстандағы оппозициялық партия саналатын ЖСДП атынан ұсынылған кандидат - 65 жастағы Нұрлан Әуесбаев, партияның Астанадағы филиалының жетекшісі.

Нұрлан Әуесбаев осыдан 16 жыл бұрын құрылған партияның атынан түскен алғашқы кандидат.

Бұған дейін Жалпыхалықтық социал-демократиялық (ЖСДП) партия президент және парламент сайлауына бірнеше рет бойкот жариялаған болатын.

Жалпыұлттық социал демократиялық партиясы 2006 жылғы 10 қыркүйекте құрылған. 2007 жылғы 25 қаңтарда тіркелген.

Серіктес жаңалықтары

Сараптама