Алматы қаласының әкімі Ерболат Досаев келесі жылы жеңіл рельсті трамвай (LRT) желісінің құрылысы басталатынын айтты.

Ол Медеу ауданының тұрғындарымен кездесуде  8 жылдан бері жоспарланған LRT құрылысының келесі жылы басталып, 2025 жылда бітетінін атап өтті.

«Төле би көшесі бойындағы LRT мәселесін даму жоспарына енгіздік. Бұл жұмысты бастап жатырмыз. Қала бойынша бірнеше жоба бар. Мысалы, Еуропа қайта құру және даму банкі қатысатын жоба көп. Біз біріншіден, өз мүмкіндіктерімізді ескеруіміз керек. Бұл жұмыс 2023 жылы басталуы керек. 2025 жылдың соңына қарай алғашқы нәтижелерді көруді мақсат етіп отырмын», – деді әкім.