Ресей билігі Грузия шекарасындағы «Жоғарғы Ларс» бақылау-өткізу бекетінде мобилизациялық әскери комиссариат құратын болады.

Бұл туралы «Новая газета-Европа» хабарлады.

Солтүстік Осетия ішкі істер министрлігі пункттің жақын күндерде жұмыс істей бастайтынын мәлімдеді.

Ведомствоның хабарлауынша, Грузия бағытына қарай жылжыған көліктер тасқыны айтарлықтай өсіп бара жатыр. Шекарадағы жағдай да қиындай түсті.

Құқық бұзушылықтар мен жанжалдарды болдырмау үшін азаматтарға шекарадан жаяу өтуге рұқсат берілді, – делінген министрліктің мәлімдемесінде.

Кеше көліктер кептелісінің күштілігі салдарынан Грузияға беттеген азаматтардың шекара белдеуінен жаяу өтуіне рұқсат етілгені айтылды.

Бұдан бұрын Ресей армиясының шекара бойына БТР апарып қойғаны хабарланды.