Әлеуметтік желілерде кеше Қарағандыда болған атыстың видеосы тарады, деп хабарлайды ҚазАқпарат.

Көшедегі бейнебақылау камераларынан алынған видеодан белгілі болғандай, атыс Қарағандының отүстік-шығысындағы Тәттімбет көшесінде басталған.

«ВАЗ 2114» автокөлігінде болған шабуылдаушылар «BMW X6» көлігіне оқ ата бастаған. Сондай-ақ көлік тұрағынан жолға шыққанда «ВАЗ 2114» жүргізушісі өтіп бара жатқан көлікті соғып өтіп, ізін суытпақшы болған.

Осы уақытта оқ астында қалған жол талғамайтын көлік жүргізушісі кері бұрылып, шабуылдаушыларды қуа жөнелген.

Тәртіпсіздік кезінде қылмыскерлерді ұстауға тырысқан полиция қызметкері жарақат алды. 27 жастағы күдікті ұсталды. Қазіргі уақытта ол тергеуге алынды.