Аэроғарыштық өнеркәсіп саласында жасалған жұмысты танымдық ойын-сауық түрінде көрсетеді
Цифрлық даму, инновациялар және аэроғарыш өнеркәсібі министрлігі ғарыш саласын танымал ету үшін Байқоңырға ұшып баруға мүмкіндік беретін TikTok жобасын іске қосты. Бұл туралы ведомствоның баспасөз қызметі хабарлады.
Министрлік өкілдерінің мәліметінше, 2007 жылы президенттің аэроғарыш өнеркәсібін дамыту жөніндегі тапсырмасынан кейін «Қазғарыш» мемлекеттік органын құру туралы шешім қабылданған. Бұл органды дамыту барысында ғарыш қызметін жоғарылатудың барлық стратегиялық бағыттары бойынша кәсіпорындар құрылды. Сонымен қатар жоғары білікті ғылыми және инженерлік мамандарды даярлауға баса назар аударылды. Бұл қазақстандық инженерлерге шетелдік жетекші ғарыш компанияларының өндірістік алаңдарында тағылымдамадан өтуге мүмкіндік береді. Алайда, ғарыш туралы ешнәрсесі жоқ бос контентті медиа кеңістік атқарылған жұмысты тиісті деңгейде атқаруға мүмкіндік бермеді және халыққа ғарыш саласының жабық екені туралы түсінік қалдырды.
Ғарыш саласын дәріптеу мақсатында ЦДИАӨМ TikTok бейнеплатформасымен бірге «Біз Қарапайым Ғарышпыз» жобасын әзірлеуді бастады. «Біз Қарапайым Ғарышпыз» – Қазақстанның аэроғарыш өнеркәсібі тақырыбын жаңа деңгейге шығаруға бағытталған әлеуметтік жоба. Сондай-ақ бұл жоба жастардың осы салаға деген қызығушылығын оятуға мүмкіндік беріп, аэроғарыштық өнеркәсіп саласында жасалған жұмысты танымдық ойын-сауық түрінде көрсетеді. Болашақта аэроғарыш өнеркәсібін жоғары деңгейде дамыту үшін жоғары білікті жаңа кадрларды алып келуге мүмкідігі бар.
Жобада 20 қыркүйектен 12 қазанға дейін болатын #Біз Қарапайым Ғарышпыз хэштегі челлендж болады. Челленджге қатысушылар ғарыш туралы қызықты біліммен бөлісе алады немесе ұшқыш-ғарышкер, Халық қаһарманы Айдын Айымбетовке қызықты сұрақтар қоя алады. Челлендж жеңімпаздары зымыранның ұшырылуын тамашалау үшін Байқоңырға сапар және DJI мен Қазақстан Ғарыш сапарының ғарыштық жүлделерін ұтып алу мүмкіндігіне ие болады. 18 қазанда Айдын Айымбетовтың TikTok парақшасында #Біз Қарапайым Ғарышпыз челлендж жеңімпаздарының есімдерін білуге болады.
Жоба аясында TikTok пайдаланушыларына аэроғарыштық қызмет туралы көбірек білуге мүмкіндік беретін пікір жетекшілерімен тікелей эфирлер болады:
21 қыркүйек - Айдын Айымбетовпен бірге «Союз-2» зымыран тасығышымен «Союз МС-22» басқарылатын көлік кемесін ұшыруы жоспарланған тікелей көрсетілім;
23 қыркүйек – «Джеймс Уэбб телескопы» тақырыбында тікелей эфир.
27 қыркүйек – «Ғарышқа ұшуға спорттық дайындық» тақырыбында ғарышкерлердің спорттық дайындығын ашық көрсететін спорт санаты пікір көшбасшысының тікелей эфирі;
3 қазан – «Химия нөлден төмен» тақырыбында тікелей эфир.