Құтқарушылардың жедел әрекеттерінің арқасында өрт сағат 16.23-те ауыздықталып, 18.27-де толық сөндірілді
Өрт сөндірушілер Қостанайдың саяжай аумағында өртенген шөп пен қоқысты сөндірді, деп хабарлайды Төтенше жағдайлар министрлігінің баспасөз қызметі.
17 қыркүйек күні сағат 11.30-да «101» пультіне Қостанайдан 18 шақырым жерде орналасқан «Пригородный» саяжай қоғамдастығының аумағында өрт шыққаны туралы хабарлама келіп түсті.
Өрт сөндірушілер келгенде 10 га алаңда қараусыз қалған учаскелерде құрғақ шөп, қоқыстар мен бұталар жанғаны анықталды. Қатты желдің салдарынан өрт ағаш дуалға жайылған. Саяжай үйлері зардап шеккен жоқ.
Құтқарушылардың жедел әрекеттерінің арқасында өрт сағат 16.23-те ауыздықталып, 18.27-де толық сөндірілді.