Маңғыстау облысының әкімі Нұрлан Ноғаев депутаттарға өз еркімен жұмыстан босатуға өтініш берген Тілек Қошмағамбетовтың орнына ұсынылған жаңа аудан әкімнің кандидатурасын ұсынды.

Әкім лауазымына кандидат Ғалымжан Ниязов болды, оның кандидатурасын ҚР Президенті әкімшілігі мақұлдады.

Ғалымжан Ниязов Қ.Сәтпаев атындағы Қазақ ұлттық политехникалық университетін, сондай-ақ Ш.Есенов атындағы Ақтау мемлекеттік университетін бітірген.

Еңбек жолын 1990 жылы Шевченко қаласының АТП-1-де бастаған.

1991 жылдан 2002 жылға дейін мұнай және құрылыс саласындағы бірқатар коммерциялық ұйымдарды басқарды.

2002-2006 жылдары – «Құрылысконсалтинг» ұлттық орталығы» АҚ Маңғыстау облыстық филиалының бас менеджері, лицензиялық құжаттардың аудиті және сараптамасы бөлімінің жетекші маманы болды.

2006-2008 жылдар аралығында Маңғыстау облысы мемлекеттік сәулет-құрылыс бақылау басқармасы басқармасының лицензиялар бөлімінің бас маманы болды.

2008 жылдан 2012 жылға дейін Маңғыстау облысы құрылыс басқармасының бөлімінде бас маманы, Мемлекеттік сатып алу бөлімінің бас маманы, құрылыс басқармасы басшысының орынбасары болып жұмыс істеді.

2012-2013 жылдары - Қызылорда облысында құрылыс бөлімінің басшысы, құрылыс басқармасы басшысының орынбасары.

2014-2016 жылдары - Қызылорда облысының мемлекеттік сатып алу басқармасының басшысы.

2016 жылдан 2017 жылға дейін – «СК-Фармация» ЖШС департамент директоры.

2017 жылдан 2020 жылға дейін Ақтау қаласының әкімі.

2020 жылдың маусым айынан бүгінгі күнге дейін - Маңғыстау облысы әкімінің орынбасары.

Депутаттар ұсынылған кандидатты мақұлдап, Ғалымжан Ниязовты тәжірибелі маман ретінде білетіндерін атап өтті.

Нұрлан Ноғаев Тілек Қөшмағамбетовке атқарған жұмысы үшін алғыс айтып, Ғалымжан Ниязовқа Маңғыстау ауданының әлеуметтік-экономикалық дамуына қатысты бірқатар нақты тапсырмалар берді.

Еске салайық, 2022 жылдың 24 қаңтарында Ғалымжан Ниязовтың ұсталғаны туралы ақпарат жарияланды. Қаржы мониторингі агенттігі бұл ақпаратты 4 ақпанда ресми түрде растап, әкім орынбасарының екі айға қамауға алынғанын хабарлады. Оған билікті асыра пайдаланды деген айып тағылды. 17 ақпанда сот тергеушінің бұлтартпау шарасын «үйқамаққа» өзгерту туралы өтінішін қанағаттандырды.

24 мамырда Ғалымжан Ниязов жұмысына оралып, қызметтік міндетіне кірісті. Алайда, арада апта өткен соң Маңғыстау облысының соты облыс әкімінің орынбасары Ғалымжан Ниязовты бір айға қамау мерзімін ұзартты.

Ғалымжан Ниязов 2020 жылдың 26 маусымында Маңғыстау облысы әкімінің орынбасары болып тағайындалды. Ол сұйылтылған мұнай-газын жеткізу саласына жауапты болған.

Асанәлі Әшімов, Дулат Исабеков, Смағұл Елубай, Ұлықбек Есдәулет бастаған бір топ зиялы қауым өкілі Мемлекет басшысы Қасым-Жомарт Тоқаевқа хат жолдап, Қазақстанның халық жазушысы, Қазақстанның Еңбек Ері, мемлекет және қоғам қайраткері Әбіш Кекілбаевтың інісі Ғалымжан Ниязовтың тағдырына араша түсуді сұрады.