Головкин «Канеломен» жұдырықтасу үшін Лас-Вегасқа келді
Бұл жекпе-жек Қазақстан уақыты бойынша 18 қыркүйек күні таңертең болады
Фото: Tengrinews.kz
WBA Super, IBF және IBO нұсқалары бойынша орта салмақтағы әлем чемпионы Геннадий Головкин командасымен бірге Лас-Вегасқа (АҚШ) ұшып келді, деп хабарлайды Halyq Uni тілшісі.
Бұл туралы ол Instagram-да жазды.
Вегастамыз. Осы аптада өтетін жекпе-жекке дайынбыз, - деді Геннадий Головкин.
Айта кетейік, қазақстандық боксшы мен мексикалық Сауль «Канело» Альварес арасындағы кездесу 17 қыркүйекте АҚШ-тың Лас-Вегас қаласында өтеді. Бұл жекпе-жек Қазақстан уақыты бойынша 18 қыркүйек күні таңертең болады.
