Украина елшісі Петр Врублевский Қазақстаннан кетіп қалды - БАҚ
Украинаның Қазақстандағы төтенше және өкілетті елшісі Петр Врублевский Варшаваға ұшып кеткен.
Фото: ria.ru
Украинаның Қазақстандағы төтенше және өкілетті елшісі Петр Врублевский елден кетіп қалды, деп хабарлайды ТАСС.
«Ол таңертеңгі рейспен Варшаваға ұшып кетті», - деп хабарлады дереккөз агенттікке.
Еске салайық, Украинаның Қазақстандағы төтенше және өкілетті елшісі Петр Врублевский қазақстандық блогер Диас Құзайырға берген сұқбатында «Орыстарды барынша қырып-жою керек. Қазір біз мейлінше олардың көзін жойсақ, ертең біздің ұрпағымыз қан төкпейтін болады» деген пікір айтқан. Кейін Петр Врублевский дөрекі сөздері үшін кешірім сұрады.
