Ресей президенті Владимир Путин қазан айында Нұр-Сұлтанға Азиядағы өзара іс-қимыл және сенім шаралары жөніндегі кеңеске және ТМД саммитіне қатысу үшін келеді, деп хабарлайды РИА Новости. 

Бұл туралы Ресей президентінің халықаралық істер жөніндегі көмекшісі Юрий Ушаков айтты. 

Нұр-Сұлтанда өтетін Азиядағы өзара іс-қимыл және сенім шаралары жөніндегі кеңеске президентіміздің қатысуы қарастырылып жатыр. Сондай-ақ Нұр-Сұлтанда ТМД саммиті өткізіледі. Бұл қазан айының ортасына дәлірек айтсақ, 12-14 қазанға келеді, - деді Ушаков журналистерге.

Сонымен қатар Ушаковтың айтуынша, Қазақстанда Путинмен өтетін кездесуді жоғары деңгейде яғни, «Ресей – Орталық Азия» форматында өткізу жоспарланған.

Айта кетейік, бұған дейін Қазақстан мен Ресей президенттері 19 тамызда Сочиде кездесті.