Павлодарда 2 жасар бала сегізінші қабаттан құлап кетті
Бүлдіршін жансақтау бөлімінде жатыр
фото: ашық дереккөз
Павлодар қаласының дәрігерлері тұрғын үйлердің бірінің сегізінші қабатының терезесінен құлаған екі жасар баланың өмірі үшін күресіп жатыр. Баланың жағдайы қиын. Ол жансақтау бөлімінде жатыр.
Оқиға кеше сағат 11.17-де болған.
Қолда бар мәліметке қарағанда, балаға алғашқы жедел медициналық көмек көрсетіліп, дәрігерлер оны бірден облыстық балалар ауруханасына жеткізді.
Облыстық денсаулық сақтау басқармасы баспасөз қызметі балаға операция жасалғанын хабарлады.
