Президент Азия чемпионатының тұңғыш жүлдегерін құттықтады
Мемлекет басшысы қазақ теннисшісінің шеберлігіне ризашылығын білдірді
фото: Ақорда
Қасым-Жомарт Тоқаев Лаоста өткен жасөспірімдер мен кадеттер арасындағы үстел теннисінен Азия чемпионатының қола медалін иеленген 15 жастағы Алан Құрманғалиевті телефонмен құттықтады.
Мемлекет басшысы қазақ теннисшісінің шеберлігіне риза болып, оның жетістігі ел спорты үшін маңызы зор екенін айтып, Аланға болашақта жаңа жеңістерге жетуіне тілектестік білдірді.
Алан Құрманғалиев Қазақстанның үстел теннисі тарихында Азия чемпионатында жүлде алған тұңғыш спортшы атанды.
