ШҚО-да өртті сөндіру үшін тікұшақ жұмылдырылды
«Зырян орман шаруашылығы» КММ, Быков орман шаруашылығы аумағында шөп пен бұта өртенді.
Фото: altaynews.kz
Алтай ауданында өрт сөндірушілер отпен күресіп жатыр, деп хабарлайды Шығыс Қазақстан облысының ТЖД баспасөз қызметі.
«Зырян орман шаруашылығы» КММ, Быков орман шаруашылығы аумағында шөп пен бұта өртенді. Қызыл жалын 167 гектар аумақты шарпыды.
Өртті сөндіру жұмыстарына орманшылар, ШҚО Төтенше жағдайлар департаментінің өрт сөндірушілері мен жергілікті атқарушы органдардың қызметкерлері тартылды.
Қазавиаорманқорғаудан 344 адам және 25 техника жұмылдырылды. Өртті сөндіруге суағар құрылғысы бар ШҚО АП МИ-8 тікұшағы жұмылдырылды, - делінген хабарламада.
