Шымкентте алаяқ Шардара ауданының мұғалімдерінің жалақысын ұрлап алған, деп хабарлады Otyrar.kz.

Киберқылмыскер өз құрбандарын 1С бухгалтерлік бағдарламасы арқылы тапқан. 76 мұғалімнің жалақысын ер адам өз есеп-шотына аударып алып, кейін оны құмар ойынға жұмсаған.

Алаяқ Алматыда ұсталды. Оның қалтасынан 1,5 миллион теңге қолма-қол ақша тәркіленді.

Күдіктіге ҚР ҚК 188 бабының 4-бөлігі «Ұрлық» бойынша айып тағылды. 5 жылға бас бостандығынан айыру жазасы тағайындалды. Қазіргі уақытта сот үкімі күшіне енген жоқ. Сондықтан 12 миллион теңгені жұмсауға дер кезінде тоқтау салынды.Жәбірленушілерге 26 миллион теңгеден астам зиян келтірілген, – деді Шардара ауданы прокуроры Руслан Әбдіраимов.

Алаяқтың анасы полицейлерге хабарласып, 1,3 миллион теңге қайтарып беріп, ұлы бергенін айтқан. Мұғалімдер ақшаларын жартылай алды, қалған шығынды алаяқ өзі өтейтін болады.