Өкінішке қарай, балуандар тағы да бірде-бір алтын медаль алған жоқ
Болгарияның астанасы София қаласында күрес түрлерінен жастар арасында (U20) өткен әлем чемпионатының соңғы күні ел қоржынына грек-рим күресі балуандары бір күміс пен бір қола жүлде салды.
97 килодағы балуанымыз Юсуф Мациев алтын жүлде үшін болған белдесуде Иран елінің өкілі Әли Рамезанали Әбедидарзиден 4:9 есебімен ұтылып, әлем чемпионатының күміс жүлдегері атанды .
67 килодағы Дінмұхамед Қошқар қола жүлде үшін болған белдесуде түрік Онур Юртаданы 3:2 есебімен ұтып, қола жүлдені иеленді. Сонымен бірге 87 килода сынға түскен Мақсат Сайлау украин балуаны Никита Алексеевті ұтып, әлем чемпионатының қола медаліне ие болды
Осылайша бұл жолғы әлем чемпионаты өз мәресіне жетіп, өкінішке қарай ел қоржынына бірде-бір алтын жүлде түскен жоқ.