Қазақстандық балуан әлем чемпионатында қола жүлдегер атанды
Жерлесіміз 87 келі салмақта сынға түсті
Фото: ашық дереккөздерден
Қазақстандық балуан Мақсат Сайлау Болгарияда өткен әлем чемпионатында қола медаль алды.
Бұл туралы Ұлттық олимпиада комитетінің olympic.kz сайты хабарлады.
Мақсат Сайлау Болгарияда өткен 20 жасқа дейінгі спортшылар арасындағы әлем чемпионатында қола жүлдегер атанды.
Жерлесіміз 87 келі салмақта сынға түсіп, украиналық Никита Алексеевті жеңді. Ал жартылай финалда армениялық Виген Назарянға есе жіберген болатын.
