×

Бакиев пен Атамбаевтың үйлері балаларды оңалту орталығы болады

Жалпы, Қырғызстанда 200 мың мүгедектігі бар адам тіркелген

 Еркеғали Болатұлы 18.08.2022 | 15:46
фото: ашық дереккөз

Қырғызстанның бұрынғы президенттері Құрманбек Бакиев пен Алмазбек Атамбаевтың коттедждерінде балаларға арналған оңалту орталықтары ашылады деп хабарлады 24.kg.

Елдің Еңбек, көші-қон және әлеуметтік қамтамасыз ету министрлігінің мәліметінше, оңалту орталықтары тәулік бойы жұмыс істейді.

Жалпы, Қырғызстанда 200 мың мүгедектігі бар адам тіркелген. Олардың 35 мыңы – 18 жасқа дейінгі балалар.

«Республикада мүмкіндігі шектеулі азаматтар оңалту қызметімен толық қамтамасыз етілмеген. Сол себепті, бұрынғы президенттер Құрманбек Бакиевтің Жібек Жолы даңғылындағы үйінде және Алмазбек Атамбаевтың Қой-Тас ауылындағы үйінде тәулік бойы жұмыс істейтін балаларға арналған оңалту орталықтары ашылады. Бұл үйлер мемлекет меншігіне берілген болатын», - дейді министрлік мамандары.

Серіктес жаңалықтары

Сараптама