Ауғанстанда намаз кезінде мешіт жарылды
Қайғылы оқиғадан қаза тапқандар мен зардап шеккендер бар
Фото: AP Photo
Кабулдағы мешітте намыз кезінде жарылыс болды, деп хабарлайды Al Jazeera.
Оқыс оқиға 17 тамызда Хайр-Хан ауданындағы мешітте болған. Жарылыс болардың алдында адамдар намаз оқып жатқан. Апаттан жақын маңдағы ғимараттардың әйнегі сынған.
Қауіпсіздік қызметінің мәліметінше, оқиға салдарынан 30-ға жуық адам зардап шегіп, 3 адам көз жұмған. Оның ішінде мешіттің имамы да бар.
Зардап шеккендердің саны бұдан да көп болуы мүмкін.
Бүгінде құқық қорғау органдары тергеу жүргізіп жатыр. Оқиға орнында барлау топтары жұмыс істеуде.
