Қыдырғали Оңғарбаев аты аңызға айналған америкалық Джон Брзенкті жеңген
Түркияда өткен «East vs West» халықаралық турнирінде армрестлингтен аты аңызға айналған, әлемнің 26 дүркін чемпионы америкалық Джон Брзенкті жеңген Қыдырғали Оңғарбаевқа екі бөлмелі пәтер сыйға тартылды.
Пәтерді оған жаттықтырушысы және Түркістан облыстың гир спорты мен армрестлинг федерациясының президенті армрестлинг клубының ұжымымен бірге сыйлады.
Түркиядағы турнирде Оңғарбаев қарсыласын 3-1 есебімен жеңген болатын. Осы сында тағы бір отандасымыз Сарыбай Ердәулет әлемнің бірнеше дүркін чемпионы түркиялық Юсуф Илдызоглуны 3:0 есебімен жеңген.