10 жыл түрмеде отырып, жақында ғана ақталып шыққан бизнесмен Қуат Сұлтанбеков Ерлан мен Нұрлан Нығматулиндердің мүлкін заңсыз иемденуге қатысқанын мәлімдеді. Енді Мәжілістің экс-спикері мен оның ағасы қылмыстық іс бойынша тексеріліп жатыр. Астаналық адвокат Мәулен Әлімбаев осылай деп мәлімдеді. Бұл туралы «Экпресс К» сайты. 

Құқық қорғаушы өзге де мәліметтерді баяндаған болатын. Оның айтуынша, тергеу кеңістігінде Ерлан да, Нұрлан Нығматулиндер де бар. Істің қандай баппен қозғалатыны белгісіз, дейді ол.

«Жалпы, бұл рейдерлік басып алуға қатысы бар болуы мүмкін. Бірақ ол бастапқыда қозғалмайды, содан кейін ғана басқа істердің жиынтығына тағайындалады», - деп түсіндірді заңгер.

Әлімбаевтың айтуынша ағайынды Нығматулиндер қазір елден кетіп қалған.

«Екеуі Германияға кетті. Бұрынғы парламент мүшесі біраз уақыт осында болды, бірақ содан кейін қайтадан чартерлік рейспен ұшып кетті», - деді адвокат.

Айта кету керек, биыл ақпан айында елордада жүрген Нұрлан Нығматулиннің видеосы жарияланған. Ол кездейсоқ өтіп бара жатқан адамның камерасына түсіп қалған.

Алайда кейін олар жайлы ешқандай ақпарат болған емес.

Қуат Сұлтанбековтің айтуынша Балқаштағы өзіне тиесілі демалыс аймағын Ерлан Нығматулин рейдерлік жолмен тартып алған. Артынша 2012 жылы Сұлтанбековке заңсыз қару сақтады деген айып тағылып, 3,5 жылға сотталды. Кейін тағы бірнеше іс қозғалды, олар бойынша Сұлтанбековтің абақтыдағы мерзімі 21 жылға дейін ұлғайды. 10 жылдан кейін кәсіпкер ақталып, босатылды.