Бүгін президент премьер-министр Әлихан Смайыловпен кездеседі
Президент Қасым-Жомарт Тоқаевтың қысқа мерзімді еңбек демалысы аяқталды.
Бұл туралы Ақорданың баспасөз қызметі хабарлады.
Мемлекет басшысы Қасым-Жомарт Тоқаевтың қысқа мерзімді еңбек демалысы аяқталды. Бүгін президент жұмыс кестесіне сәйкес премьер-министр Әлихан Смайыловпен кездеседі, – делінген хабарламада.
Мемлекет басшысы Қасым-Жомарт Тоқаевтың демалыс күндерін қайда өткізгені хабарланған жоқ. Былтыр Қасым-Жомарт Кемелұлы төрт күнге алған еңбек демалысын елімізде өткізген болатын.