Өскемен қаласында әйелдер арасында ITF World Tennis Tour W25 турнирі басталды.

Жүлде қоры 25 мың АҚШ долларына бағаланған жарыстың іріктеу сатысында өскемендік 14 жастағы Мәлика Әмірғалиева тамаша өнер көрсетті. Ол WTA рейтингісінде болмаса да іріктеу сайыстарының финалында әлемнің 1990-ракеткасы, ресейлік 18 жастағы Николь Мишиеваны 6:1, 6:4 есебімен ұтты.

Сөйтіп, ол негізгі турнирге жолдама алды. Осылайша, Kazzinc Open жарысында бес бірдей қазақстандық спортшы, атап айтқанда, Жібек Құламбаева, Гөзал Айнитдинова, Мария Синицына (уайлд кард), Татьяна Николенко (уайлд кард) және Мәлика Әмірғалиева күш сынасады.