Бүгін елордада жаңа университет ішін жаңбыр суы басты
Сондай-ақ әдеттегідей бірнеше көше көлшікке айналды
фото: ашық дереккөз
Нұр-Сұлтандағы Astana IT University ғимаратын қатты нөсерден кейін су басты.
Оқиға орнында түсірілген видео елорда паблигінде жарияланды. Онда ғимаратта төбеден су сорғалап жатқаны көрініп тұр.
ЭКСПО-дағы Astana IT University ғимаратында оқу күні осылай басталды, - делінген видеоның сипаттамасында.
Сондай-ақ әдеттегідей бірнеше көше көлшікке айналды.
Еске сала кетсек, «Қазгидромет» РМК бүгін Нұр-Сұлтанда күн күркіреп, жаңбыр жауатынын хабарлаған болатын.
