Алапат найзағай мұнай қоймасын жарып жіберді
Қаза тапқандар мен хабар-ошарсыз кеткендер де бар
фото: Yamil Lage/Contributor/Getty Images
Кубада найзағай түсіп, мұнай қоймасы жарылды. Өрт түнде найзағай кезінде басталып, шикі мұнайы бар 8 резервуардың екеуін шарпыған.
Кубаның Матансас қаласындағы мұнай қоймасында болған жарылыстар легінен және өрт салдарынан 120-дан аса адам жарақат алды. Қаза тапқандар мен хабар-ошарсыз кеткендер де бар.
Сенбіде Венесуэла Үкіметі Кубаға өрт сөндірушілер мен арнайы техника жіберген болатын. Қазір олар бір тәуліктен аса уақыт бойы отты сөндіруге тырысып жатыр.
