Қарағанды облысында жүк пойызының 12 вагоны рельстен шығып кетті
Теміржол бойындағы апатқа байланысты алты бағыт бойынша жолаушылар пойызы тоқтатылды
![](https://halyq-uni.kz/cache/imagine/1200/uploads/news/2022/02/02/61fa3cd4706e9795707131.jpg)
Қарағанды облысында жүк пойызының 12 вагоны рельстен шығып кетті. «Қазақстан темір жолы» АҚ баспасөз қызметінің мәліметінше, 1 ақпан сағат 13.55-те жүк пойызының вагондары жолдан шығып кеткен.
Жүк құрамында бидай болған. Вагонның бүйір жақтауы сынып кеткен. Апат орнында Сары-Шаған, Шу және Балқаш станцияларының қалпына келтіру пойыздары жұмыс істеп жатыр, - деді ҚТЖ ресми өкілі Қайсар Жұмабайұлы.
Қазір Жамбыл бөлімшесі учаскесінде поездардың бір жолды қозғалысы қалпына келтірілді. Жөндеу жұмыстары жалғасып жатыр.
Мойынты-Сарышаған учаскесінде жүк вагондарының рельстен шығып кетуіне байланысты келесідей жолаушылар пойыздары тоқтатылды:
- «Павлодар-Шымкент» бағытындағы №45/46 пойызы;
- №51/52 «Орал-Алматы-2» бағытындағы пойыз;
- «Алматы-2-Петропавл» бағытындағы №105/106 пойызы;
- №712/711 «Шымкент-Нұр-Сұлтан Нұрлы жол» пойызы;
- «Алматы-2-Нұр-Сұлтан Нұрлы жол» бағытындағы №3/4 пойызы;
- «Алматы-1-Нұр-Сұлтан Нұрлы жол» бағытындағы №9/10 пойызы.