Алматы қаласының әкімдігі Мемлекет басшысының 2019 жылғы 29 қазандағы тапсырмасына сәйкес, қаладағы жер телімдерінде құрылыс жүргізуге тыйым бар екенін хабарлады. Бұл мәселелерді тұрғындар да көтеріп келген.

Алайда, қала аумағында қолданыстағы заңнама мен Мемлекет басшысының тапсырмасын бұзып жатқан заңсыз әрекеттер анықталып жатыр.

Осы ретте қала әкімі Ерболат Досаев барлық мән-жай анықталғанға дейін белгілі нысандарда (19 учаске), оның ішінде Самал-3 шағын ауданы мен Достық, 125 учаскелері орналасқан аумақта жүріп жатқан жұмыстарды тоқтату туралы шешім қабылдады.        

Еске салайық, 31 қаңтарда Ерболат Досаев Алматы қаласының әкімі болып тағайындалды. Ол бұған дейін Ұлттық банк төрағасы лауазымын атқарды.