Қазақстанның шекарасынан заңсыз өткен ресейліктер ұсталды
Қытайдың азаматы да Жетісу облысы Панфилов ауданында қолға түсті
фото: ашық дереккөз
Ұлттық қауіпсіздік комитетінің Шекара қызметі еліміздің шекарасын заңсыз өткен Ресейдің екі азаматын ұстады.
Олар Ресейде істеген қылмыстарына қудалаудан қашып, Қостанай облысының Қарабалық ауданында жасырынғысы келген. Тағы бір шетелдің азаматы 31 шілде күні Жетісу облысы Панфилов ауданында ұсталған. Ол Қытайдан жасырын түрде шекараны заңсыз өткен.
