«Қайрат» футзал клубына тағы бір бразилиялық ойыншы келді
Бұған дейін командаға қақпашы Деннис, шабуылшы Фернандиньо мен қорғаушы Кайо Сезарь қосылған
фото: ашық дереккөз
«Қайрат» футзал клубы жаңа ойыншымен толықты.
Клубтың баспасөз қызметінің хабарлауынша, команда әмбебап ойыншы Кайо Руиспен 2023/2024 жылғы маусымның соңына дейін келісімшарт жасаған.
Ойыншы португалиялық «Спортингтен» ауысқан. Сондай-ақ, Руис Бразилия құрамасы сапында үш ойын өткізіп, бір голдың авторы атанған.
Бұған дейін Алматының футзал командасының құрамына үш бразилиялық легионер қосылған еді. Олар – қақпашы Деннис, шабуылшы Фернандиньо мен қорғаушы Кайо Сезарь. Ал шабуылшы Витао клубтан кетті.
